ಖರ್ಚು ಕಡಿಮೆ ಮಾಡೋದಕ್ಕೆ 10 ಉಪಾಯಗಳು

ಅತಿಯಾದ ಖರ್ಚು ಮಾಡೋದ್ರಿಂದ ಬೇಜಾರಾಗಿದ್ದೀರಾ? ನಿಮಗೆ ಇಷ್ಟವಾದ ವಸ್ತುಗಳ ಮೇಲೆ ಹಣ ವ್ಯಯಿಸೋದನ್ನ ನಿಲ್ಲಿಸದೆ ಹೆಚ್ಚಿನ ಖರ್ಚುಗಳನ್ನು ಹೇಗೆ ನಿಯಂತ್ರಿಸಬೇಕು ಅನ್ನೋದನ್ನ ತಿಳ್ಕೊಳ್ಬೇಕಾ?  ಹಾಗಾದರೆ ನೀವು ಹಣ ಉಳಿಸೋದಕ್ಕೆ ಕಷ್ಟ ಪಡುತ್ತಿದ್ದಾರೆ ನಾವು ಒಂದಷ್ಟು ಪ್ರಾಯೋಗಿಕ ಸಲಹೆಗಳನ್ನು ಇಲ್ಲಿ ತಿಳಿಸಿದ್ದೇವೆ. ಬನ್ನಿ ನೋಡೋಣ…

ಖರ್ಚು ಕಡಿಮೆ ಮಾಡೋದಕ್ಕೆ 10 ಉಪಾಯಗಳು

1) ಮೊದಲು ನಿಮಗೆ ಖರ್ಚು ಮಾಡ್ಕೊಳಿ 

ಇದರ ಅರ್ಥ ನಿಮ್ಮ ತಿಂಗಳ ಆದಾಯದಲ್ಲಿ ಒಂದಿಷ್ಟು ಭಾಗವನ್ನು ನೀವು ಖರ್ಚು ಮಾಡುವ ಮೊದಲು ಉಳಿತಾಯಕ್ಕೆ ಜಮೆ ಮಾಡಿ. (ಆದಾಯ-ಉಳಿತಾಯ=ಖರ್ಚು) ಇದು ನಿಮ್ಮ ಹಣಕಾಸಿನ ನಿಯಮವಾಗಿರಲಿ. ಇದಕ್ಕೆ ನಿಮ್ಮ ಹಣಕಾಸಿನ ಗುರಿ, ನಿತ್ಯದ ಖರ್ಚು, ಹಣದುಬ್ಬರದ (inflation) ಲೆಕ್ಕಾಚಾರ ಮಾಡಿ ದುಡ್ಡಿನ ಅವಶ್ಯಕತೆಯನ್ನು ಸರಿದೂಗಿಸಿಕೊಳ್ಳಿ ನಂತರ ಎಷ್ಟು ಉಳಿತಾಯ ಮಾಡಬೇಕು ಎನ್ನುವುದನ್ನು ತೀರ್ಮಾನಿಸಿ ಮತ್ತು ಮನೆಯ ಖರ್ಚುಗಳನ್ನು ಉಳಿದ ಹಣದಲ್ಲಿ ನಿರ್ವಹಿಸಿ. 

2) ತಿಂಗಳ ಬಜೆಟ್ ಬಂಡವಾಳ :

ಖರ್ಚುಗಳನ್ನು ಮೊದಲೇ ಲೆಕ್ಕಾಚಾರ ಮಾಡುವುದು ಹಣಕಾಸಿನ ಆರೋಗ್ಯ ಕಾಪಾಡುವುದರಲ್ಲಿ ಪ್ರಮುಖ  ಪಾತ್ರ ವಹಿಸುತ್ತದೆ ಇದರಿಂದ ಆದಾಯ ಮತ್ತು ಖರ್ಚಿನ ನಿಯಂತ್ರಣ  ಹಾಗು ಭವಿಷ್ಯದ ಉಳಿತಾಯಕ್ಕೆ ಸಹಾಯವಾಗುತ್ತದೆ. ತಿಂಗಳ ಅಂತ್ಯದಲ್ಲಿ ಹಣದ ಸಮಸ್ಯೆ ಉಂಟಾದರೆ ನೀವು ನಿಮ್ಮ ಹಣ ಎಲ್ಲಿ ಪೋಲಾಗುತ್ತಿದೆ ಎನ್ನುವುದನ್ನು ಪುನರ್ ಪರಿಶೀಲನೆ ಮಾಡುವ ಸಮಯ ಬಂದಿದೆ ಎಂದರ್ಥ ಮತ್ತು ಉಳಿತಾಯದ ಯೋಜನೆ ರೂಪಿಸುವುದು ಅತ್ಯವಶ್ಯಕ. ಬಜೆಟಿಂಗ್ ಮಾಡುವುದರಿಂದ ನಿಮಗೆ ಸ್ಪಷ್ಟತೆ ದೊರೆಯುತ್ತದೆ. ಎಲ್ಲಿ ಎಷ್ಟು ಖರ್ಚು ಮಾಡುತ್ತಿದ್ದೇವೆ ಎಂಬುದು ಅರಿವಿಗೆ ಬರುತ್ತದೆ. ನಿಮ್ಮ ತಿಂಗಳ ಖರ್ಚನ್ನು ವಿವಿಧ ಭಾಗಗಳಾಗಿ ವಿಂಗಡಿಸಿ (ಬಾಡಿಗೆ ವಿದ್ಯುತ್ ಬಿಲ್) ಇತರೆ ಖರ್ಚು (ಮನರಂಜನೆ ಹೊರಗಿನ ಊಟ) , ದಿನಸಿ ಸಾರಿಗೆ ಆರೋಗ್ಯ ಉಳಿತಾಯ ಇದರಿಂದ ಅತಿ ಮುಖ್ಯವಾದ ವೆಚ್ಚವನ್ನು ತಿಳಿದುಕೊಳ್ಳಬಹುದು ಹಾಗು ಕಡಿಮೆ ಅವಶ್ಯಕತೆ ಇರುವುದನ್ನು ನಿಯಂತ್ರಿಸಬಹುದು. ನೆನಪಿರಲಿ “ಹನಿ ಹನಿಗೂಡಿದರೆ ಹಳ್ಳ” 

ತಿಂಗಳಿನಲ್ಲಿರುವ ಸಾಮಾನ್ಯವಾದ ಖರ್ಚುಗಳು :

1. ಮನೆಯ ಬಾಡಿಗೆ 
2. ಸಾರಿಗೆ ವೆಚ್ಚ 
3. ವಿದ್ಯುತ್ , ಫೋನ್ ರೀಛಾರ್ಜ್, ಗ್ಯಾಸ್ ಬಿಲ್ , ನೀರಿನ  ಬಿಲ್ 
4. ಮನರಂಜನೆ
5. ದಿನಸಿ 
6. ದೈನಂದಿನ ಖರ್ಚು (ಹಾಲು , ದಿನ ಪತ್ರಿಕೆ )

3) ತುರ್ತು ನಿಧಿ

ಇದು ನಿಮ್ಮ ಆರ್ಥಿಕ ಸುರಕ್ಷತೆಗೆ ಇರುವ ತಡೆಗೋಡೆ. ನಿಮ್ಮ ಅನಿರೀಕ್ಷಿತ ಖರ್ಚುಗಳು ಮತ್ತು ಆರ್ಥಿಕ ಹೊಡೆತಗಳಿಂದ ಪಾರುಮಾಡುತ್ತದೆ. ಈ ತುರ್ತು ನಿಧಿ ನಿಮಗೆ ಹೇಳದೆ ಬರುವ ಖರ್ಚುಗಳಾದ ವೈದ್ಯಕೀಯ ಖರ್ಚುಗಳು, ವಾಹನ ರಿಪೇರಿ, ಉದ್ಯೋಗ ನಷ್ಟ ದಿಂದ ಕಾಪಾಡುತ್ತದೆ. ಇದರಿಂದ ಏನೇ ಕಷ್ಟಗಳು ಬಂದರು ನೀವೇ ಉಳಿಸಿದ ಹಣ ನಿಮ್ಮನ್ನು ಕಾಪಾಡುತ್ತದೆ ಹಾಗು ನೆಮ್ಮದಿ ಜೀವನ ನಡೆಸಬಹುದು. 

3) ಜೆನೆರಿಕ್ ಬ್ರಾಂಡ್‌ಗಳನ್ನು ಖರೀದಿಸಿ

ಬ್ರಾಂಡೆಡ್ ವಸ್ತುಗಳಿಗಿಂತ ನಾನ್ ಬ್ರಾಂಡೆಂಡೆಡ್ ವಸ್ತುಗಳು ಕಡಿಮೆ ಬೆಳೆಗೆ ಸಿಗುತ್ತವೆ ಬಟ್ಟೆಗಳಾಗಲಿ, ಚಪ್ಪಲಿ, ವಾಚ್  ಮೇಲೆ ಅತಿಯಾದ ಖರ್ಚು ಒಳ್ಳೆಯದಲ್ಲ. ನಿಮ್ಮ ತಲೆಯಲ್ಲಿರುವ “ಬ್ರಾಂಡೆಡ್” ಅನ್ನುವ ಮೋಹವನ್ನು ಬಿಡಿ. ಇದನ್ನ ಮಾಡುವದರಿಂದ ನಿಮ್ಮ ಉಳಿತಾಯದಲ್ಲಿ ಬದಲಾವಣೆ ಕಾಣುತ್ತೀರಾ. 

4) ಇಎಂಐ ಗಳನ್ನೂ ನಿಮ್ಮ ಹತೋಟಿಯಲ್ಲಿ ಇರುವ ಹಾಗೆ ತೆಗೆದುಕೊಳ್ಳಿ

ನಿಮ್ಮ ತಿಂಗಳ ಇಎಂಐ ವೆಚ್ಚವು 30 -40 % ಗಿಂತ ಹೆಚ್ಚಿಗೆ ಆಗದಂತೆ ಎಚ್ಚರವಹಿಸಿ. ಇದರಿಂದ ನಿಮ್ಮ ಮೇಲಿರುವ ಸಾಲದ ಹೊರೆ ನಿಯಂತ್ರಣದಲ್ಲಿರುತ್ತದೆ ಮತ್ತು ಉಳಿತಾಯ ಮಾಡುವುದಕ್ಕೆ ಹಾಗು ಹೂಡಿಕೆ ಮಾಡುವುದಕ್ಕೆ ದಾರಿಗಳು ಸಿಗುತ್ತವೆ. 

5) ಪಟ್ಟಿ ಮಾಡ್ಕೊಳಿ

ದಿನಸಿ ಅಂಗಡಿಗೋ ಅಥವಾ ಶಾಪಿಂಗಿಗೋ ಹೋಗುವ ಮುಂಚೆ ಒಂದು ಲಿಸ್ಟ್ ಮಾಡ್ಕೊಳಿ ಇದರಿಂದ ನೀವು ಬಜೆಟ್ನ ಒಳಗಡೆ ಖರ್ಚು ಮಾಡಬಹುದು.ಈ- ಕಾಮರ್ಸ್ ವೆಬ್ಸೈಟ್ ಮುಖಾಂತರ ಖರೀದಿ ಮಾಡುತ್ತಿದ್ದರೆ ಮೊದಲು ಕಾರ್ಟ್ ಗೆ ಆಡ್ ಮಾಡ್ಕೊಂಡು ನೋಡಿ , ನಿಮ್ಮ ಬಜೆಟ್ನಲ್ಲಿ ಇಲ್ಲವಾದಲ್ಲಿ ಅನಗತ್ಯ ವಸ್ತುಗಳನ್ನು ತೆಗೆದುಹಾಕಿ.ಹಾಗೆ ಅಂಗಡಿಗಳಲ್ಲಿ ಇರುವ ಡಿಸ್ಕೌಂಟ್ಸ್ ಮತ್ತು ಆಫರ್ ಗಳನ್ನೂ ತಪ್ಪದೆ ಗಮನಿಸಿ. 

ನೋಟ್: ಈಚೆ ಶಾಪಿಂಗ್ ಹೋಗೋದಕ್ಕೂ ಮುಂಚೆ ಮನೆಯಲ್ಲೇ ಊಟ ಮಾಡಿಕೊಂಡು ಹೋದರೆ ನಮಗೆ ಅನಗತ್ಯ ವಸ್ತುಗಳನ್ನು ಖರೀದಿಸುವ ಬಯಕೆ ಕಡಿಮೆ ಇರುತ್ತದೆ 

6) ಕ್ರೆಡಿಟ್ ಕಾರ್ಡ್ ಬಳಕೆಯನ್ನು ಆದಷ್ಟು ಕಡಿಮೆ ಮಾಡಿ 

ಕ್ರೆಡಿಟ್ ಕಾರ್ಡ್ ಎರಡಂಚಿನ ಖತ್ತಿ ಇದ್ದಂತೆ. ಅವರು ಕೊಡುವ ಪ್ರತಿಫಲಗಳು ಮತ್ತು ಆಫರ್ ಗಳನ್ನೂ ಕೊಡುತ್ತಿದ್ದರೆ ಮತ್ತೊಂದೆಡೆ ಪ್ರತಿ ತಿಂಗಳು ಸಾಲಕ್ಕೆ ಸಿಲುಕುವ ಪರಿಸ್ಥಿತಿ ಎದುರಾಗಬಹುದು. 

ಕ್ರೆಡಿಟ್ ಕಾರ್ಡ್ ನ ಸಾಲದ ಮೊತ್ತವನ್ನು ಪ್ರತಿ ತಿಂಗಳು ಮರೆಯದೆ ಪಾವತಿಸಿ ಇದರಿಂದ ನಿಮಗೆ ಅನಗತ್ಯ ಬಡ್ಡಿ ಕಟ್ಟುವ ಅವಶ್ಯಕತೆ ಇರುವುದಿಲ್ಲ ಮಾತು ನಿಮ್ಮ ಕ್ರೆಡಿಟ್ ಸ್ಕೋರ್ ಸಹ ಹೆಚ್ಚುತ್ತದೆ. 

ಕನಿಷ್ಠ ಮೊತ್ತವನ್ನು ಯಾವತ್ತೂ ಪಾವತಿಸಬೇಡಿ ಇದರಿಂದ ನಿಮಗೆ ಬಡ್ಡಿ  ಜಾಸ್ತಿ ಆಗಿ ಉಳಿತಾಯದ ಹಣವನ್ನು ಕಳೆದು ಕೊಳ್ಳುವ ಸಂಭವವಿರುತ್ತದೆ.

7) ಲಭ್ಯವಿರುವ ತೆರಿಗೆ ವಿನಾಯಿತಿಗಳು ಪಡೆದುಕೊಳ್ಳಿ

ಹಣದ ಉಳಿತಾಯಕ್ಕೆ ಬಂದಾಗ , ತೆರಿಗೆ ಉಳಿತಾಯ ಮಾಡುವುದು ಒಂದು ಒಳ್ಳೆಯ ವಿಧಾನ. ಇದರಲ್ಲಿ ಹಲವಾರು ರೀತಿಯ ಉಳಿತಾಯಕ್ಕೆ ಸಂಬಂಧಿಸಿದ ನಿಯಮಗಳಿವೆ ನಿಮ್ಮ ಉಳಿತಾಯದ ಅರ್ಹತೆಗಳನ್ನು ತಿಳಿದುಕೊಳ್ಳಲು ಸ್ವಲ್ಪ ಅಧ್ಯಯನ ಮಾಡುವುದು ಅವಶ್ಯಕ. 

8)ನಿಮ್ಮ ಸಾಲಗಳು/ಬಾಧ್ಯತೆಗಳನ್ನು ತೆರವುಗೊಳಿಸಿ

ನೀವು ಸಾಲ ಮಾಡಿದ್ದರೆ ಆದಷ್ಟು ಬೇಗ ತೀರಿಸುವ ಗುರಿಯನ್ನುಇಟ್ಟುಕೊಳ್ಳಿ, ಉಳಿತಾಯ ಆರಂಭಿಸುವುದಕ್ಕೂ ಮುಂಚೆ ಇರುವ ಸಾಲಗಳಿಂದ ಮುಕ್ತವಾದಲ್ಲಿ ಅನವಶ್ಯಕ ಬಡ್ಡಿ ಕಟ್ಟುವುದು ಹಾಗು ನೆಮ್ಮದಿ ಹಾಳುಮಾಡಿಕೊಳ್ಳುವುದು ತಪ್ಪುತ್ತದೆ. ಸಾಲ ತೀರಿಸುವುದಕ್ಕೆ ಒಂದು ಸಂಕಲ್ಪ ಮಾಡಿಕೊಂಡು ಶಿಸ್ತು ಬದ್ಧವಾಗಿ ಆದಷ್ಟು ಬೇಗ ಸಾಲ ತೀರಿಸಲು ಪ್ರಯತ್ನಿಸಿ ಸಾಲವೆಂಬ ಬೆಂಕಿಯ ಬಲೆಯನ್ನು ಬಿಡಿಸಿಕೊಳ್ಳಿ. 

9) ನಿವೃತ್ತಿಯ ಯೋಜನೆ

ನಿವೃತ್ತಿ ಹೊಂದೋದು ದೂರದ ಸಮಯವೇ ಆಗಿದ್ದರು , ಈಗಿನಿಂದಲೇ ನಿಮ್ಮ ನಿವೃತ್ತಿಯ ನಂತರದ  ಜೀವನಕ್ಕೆ ಉಪಾಯ ಮಾಡಿದ್ದಲ್ಲಿ ಹಾಗು ಹಣ ಸಂಯೋಜನೆಯ ಯೋಜನೆಗಳನ್ನು ಮಾಡಿಕೊಂಡಲ್ಲಿ ಜೀವನ ಉತ್ತಮವಾಗಿರುತ್ತದೆ. 

10) ಖರ್ಚು ಮಾಡುವ ಮೊದಲು ವೆಚ್ಚವನ್ನು ಹೋಲಿಕೆ ಮಾಡಿ

ಈಗಿನ ಬ್ಯುಸಿ ಜೀವನದಲ್ಲಿ ವಸ್ತುಗಳ ವೈಶಿಷ್ಟ್ಯ ಬೆಲೆಯನ್ನು ಹೋಲಿಸಿ ಖರೀದಿಸುವುದನ್ನು ಮರೆತೇಬಿಡುತ್ತೇವೆ. ದೊಡ್ಡ ದೊಡ್ಡ ಮಾಲ್ ಗಳಲ್ಲಿ ವರ್ಣರಂಜಿತ ಅಲಂಕಾರ ,ಅಂಗಡಿಗಳ ವ್ಯಭವ, ಹೆಚ್ಚು ಹಣಕ್ಕೆ ಕೆಲಸ ನಿರ್ವಹಿಸುವ ಮಾರಾಟಗಾರರ ಮುಂದೆ ಚೌಕಾಸಿ ಮಾಡುವುದನ್ನು ನಾವು ಬಿಟ್ಟೆ ಬಿಡುತ್ತೇವೆ. 

ಏನನ್ನೇ ಖರೀದಿಸುವ ಮುನ್ನ ಅದರ ಬೆಲೆ ಹಾಗು ಮೌಲ್ಯವನ್ನು ಇತರೆ ಅಂಗಡಿಗಳಲ್ಲೂ ಅಥವಾ ವೆಬ್ಸೈಟ್ ಗಳಲ್ಲೂ ಹೋಲಿಕೆ ಮಾಡಿ ನಂತರ ಖರೀದಿಸಿ ಯಾಕಂದ್ರೆ “ದುಡ್ಡು ಯಾರಿಗೂ ಸುಮ್ನೆ ಬರಲ್ಲ” ಅಲ್ವ? 

ಕೂಡಿಟ್ಟ ಪ್ರತಿ ಒಂದು ರೂಪಾಯಿಯೂ ಇನ್ನೊಂದು ರೂಪಾಯಿಯನ್ನು ಗಳಿಸುವಂತಿರಬೇಕು. 

11. ಎರಡನೇ ಆದಾಯಕ್ಕೆ ದಾರಿ ಹುಡುಕಿ

ನಿಮ್ಮ ದೈನಂದಿನಿ ನಿಯಮಿತ ಕೆಲ್ಸದ ಜೊತೆಗೆ ಮತ್ತೊಂದು ಆದಾಯದ ಮೂಲವನ್ನು ಹುಡುಕಿಕೊಳ್ಳುವುದು ಬುದ್ಧಿವಂತರ ಲಕ್ಷಣ. ಸ್ವಲ್ಪ ಯೋಚಿಸಿ ನಿಮ್ಮಲ್ಲಿರುವ ಯಾವುದೊ ಒಂದು ಪ್ರತಿಭೆ ನಿಮಗೆ ಎರಡನೇ ಆದಾಯಕ್ಕೆ ಮೂಲವಾಗಿರಬಹದೂ. 

ನಿಮಗೆ ಸಮಯವಿದ್ದರೆ ಹಾಗು ನಿಮ್ಮ ನಿಯಮಿತ ಕೆಲಸ ಅದಕ್ಕೆ ಸಹಾಯ ಮಾಡಿಕೊಟ್ಟರೆ ಎರಡನೇ ಆದಾಯಕ್ಕೆ ಯೋಚಿಸಿ. 

12) ಆರ್ಥಿಕ ಸಾಕ್ಷರತೆ ಪಡೆಯಿರಿ

ಆರ್ಥಿಕತೆಯ ಬಗ್ಗೆ ಜ್ಞಾನ ಬೆಳೆಸಿಕೊಳ್ಳುವುದರಿಂದ ನಿಮ್ಮ ಹಣದ ಉಳಿತಾಯಕ್ಕೆ ಹೆಚ್ಚು ಒತ್ತು ಕೊಟ್ಟಂತಾಗುತ್ತದೆ ಹಾಗು ಅನೇಕ ವಿಷಯಗಳನ್ನು ತಿಳಿದುಕೊಳ್ಳುತ್ತೀರಾ. ಎಲ್ಲಿ ತಪ್ಪು ಆಗುತ್ತಿದೆ, ಯಾವ ಖರ್ಚುಗಳನ್ನು ನಿಯಂತ್ರಿಸಬೇಕು ಎನ್ನುವ ಅರಿವು ಮೂಡುತ್ತದೆ. 

ಹಿನ್ನುಡಿ :

ಹಣಕಾಸಿನ ಯೋಜನೆ ರೂಪಿಸುವುದು ನಿರೀಕ್ಷಿತ ಹಣದುಬ್ಬರವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದಕ್ಕೆ ಒಂದು ಉತ್ತಮ ಯೋಜನೆ. ಖರ್ಚುಗಳನ್ನು ಕಡಿಮೆ ಮಾಡುವುದಕ್ಕೆ ಹಲವಾರು ಸುಲಭ ಉಪಾಯಗಳಿವೆ. ಆರ್ಥಿಕ ಯಶಸ್ಸನ್ನು ಚಿಕ್ಕ ಚಿಕ್ಕ ಬದಲಾವಣೆಗಳಿಂದ ಖಂಡಿತವಾಗಿಯೂ ಸಾಧಿಸಬಹುದು. ಇದರಿಂದ ದೀರ್ಘಾವಧಿ ಆರ್ಥಿಕ ತುರ್ತು ನಿಧಿ ಅಥವಾ ಉಳಿತಾಯವೂ ಹೆಚ್ಚುತ್ತದೆ ಮತ್ತು ಹಣದ ನಿರ್ವಹಣೆಯು ಸುಲಭವಾಗುತ್ತದೆ. 

ಹಣವನ್ನು ನಿರ್ವಹಣೆ ಮಾಡೋದು ಒಂದು ದಿನದ ಕೆಲಸವಲ್ಲ , ಪ್ರತಿ ದಿನದ ಪ್ರಕ್ರಿಯೆ. ಆರ್ಥಿಕ ಹಾಗು ಬಂಡವಾಳದ ಜ್ಞಾನ, ಸಾಲಗಳನ್ನು ಕಡಿಮೆ ಮಾಡುವುದು, ಭವಿಷ್ಯದ ಹೂಡಿಕೆಗಳನ್ನೂ ಮಾಡುವುದರಿಂದ ದೀರ್ಘಾವಧಿ ಉತ್ತಮ ಲಾಭಗಳಿಸಬಹುದಾಗಿದೆ, ತಡ ಯಾಕೆ ಇಂದಿನಿಂದಲೇ ನಿಮ್ಮ ಯೋಜನೆಗಳನ್ನು ರೂಪಿಸಿಕೊಳ್ಳಿ ಹಾಗು ಉಳಿತಾಯವನ್ನು ಹೆಚ್ಚಿಸಿಕೊಳ್ಳಿ!