ಕಿರುನೋಟ
ಕರ್ನಾಟಕ ಸರ್ಕಾರವು ಮಹಿಳೆಯರ ಸಬಲೀಕರಣ, ಶಿಕ್ಷಣ, ಉದ್ಯೋಗ ಮತ್ತು ಸ್ವಾವಲಂಬನೆಗೆ ಹಲವು ಪ್ರಮುಖ ಯೋಜನೆಗಳನ್ನು ಜಾರಿಗೊಳಿಸಿದೆ. ಈ ಯೋಜನೆಗಳ ಉದ್ದೇಶ ಮಹಿಳೆಯರಿಗೆ ಆರ್ಥಿಕ ಭದ್ರತೆ ನೀಡುವುದು, ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವುದು ಹಾಗೂ ಸಾಮಾಜಿಕವಾಗಿ ಶಕ್ತಿ ನೀಡುವುದಾಗಿದೆ.
ಸರ್ಕಾರದ ಸಹಾಯದಿಂದ ಮಹಿಳೆಯರು ಸ್ವಯಂ ಉದ್ಯೋಗ ಆರಂಭಿಸಲು, ಕೌಶಲ್ಯ ಅಭಿವೃದ್ಧಿ ಪಡೆಯಲು ಮತ್ತು ಜೀವನಮಟ್ಟವನ್ನು ಸುಧಾರಿಸಲು ಅನೇಕ ಅವಕಾಶಗಳನ್ನು ಪಡೆಯುತ್ತಿದ್ದಾರೆ. ಈ ಯೋಜನೆಗಳು ಗ್ರಾಮೀಣ ಮತ್ತು ನಗರ ಪ್ರದೇಶದ ಮಹಿಳೆಯರ ಬದುಕಿನಲ್ಲಿ ನಿಜವಾದ ಬದಲಾವಣೆಯನ್ನು ತರುತ್ತಿವೆ. ಈ ಲೇಖನದಲ್ಲಿ ಮಹಿಳೆಯರ ಹಿತದೃಷ್ಟಿಯಿಂದ (Karnataka Government schemes for womens)ರಾಜ್ಯ ಸರ್ಕಾರದ ಅತ್ಯಂತ ಪ್ರಯೋಜನಕಾರಿ 10 ಯೋಜನೆಗಳ ಬಗ್ಗೆ ತಿಳಿದುಕೊಳ್ಳೋಣ.
ಮಹಿಳಾ ಸಬಲೀಕರಣದ ಯೋಜನೆಗಳ ಪಟ್ಟಿ
| ಯೋಜನೆಯ ಹೆಸರು | ಮುಖ್ಯ ಲಾಭಗಳು | ಅಧಿಕೃತ ವೆಬ್ಸೈಟ್ |
| Shakti Scheme (ಶಕ್ತಿ ಯೋಜನೆ) | ಮಹಿಳೆಯರಿಗೆ ರಾಜ್ಯದೊಳಗಿನ KSRTC/ಬಿಎಂಟಿಸಿ/ವಾಯುವ್ಯ ಬಸ್ಗಳಲ್ಲಿ ಉಚಿತ ಪ್ರಯಾಣ | https://sevasindhu.karnataka.gov.in |
| Gruha Lakshmi Scheme (ಗೃಹಲಕ್ಷ್ಮಿ) | ಕುಟುಂಬದ ಮಹಿಳಾ ಮುಖ್ಯಸ್ಥರಿಗೆ ತಿಂಗಳಿಗೆ ₹2,000 ನೇರ ಹಣಕಾಸು ಸಹಾಯ | https://gruha-lakshmi.karnataka.gov.in |
| Stree Shakthi Scheme (ಸ್ತ್ರೀ ಶಕ್ತಿ) | ಸ್ವಸಹಾಯ ಗುಂಪುಗಳ ಮೂಲಕ ಮಹಿಳೆಯರಿಗೆ ಆರ್ಥಿಕ ಸಬಲೀಕರಣ, ಉಳಿತಾಯ ಮತ್ತು ಸಾಲ ಸೌಲಭ್ಯ | https://dwdsc.karnataka.gov.in |
| Udyogini Scheme (ಉದ್ಯೋಗಿನಿ) | ಮಹಿಳೆಯರಿಗೆ ಸ್ವ ಉದ್ಯೋಗ ಆರಂಭಿಸಲು ಕಡಿಮೆ ಬಡ್ಡಿ ಸಾಲ | https://dbt.karnataka.gov.in |
| Santhwana Scheme (ಸಾಂತ್ವನ) | ಕೌಟುಂಬಿಕ ಹಿಂಸೆ, ಲೈಂಗಿಕ ದೌರ್ಜನ್ಯ ಸಂತ್ರಸ್ತ ಮಹಿಳೆಯರಿಗೆ ಆರ್ಥಿಕ ಮತ್ತು ಕಾನೂನು ನೆರವು | https://dwdsc.karnataka.gov.in |
| Swadhar Gruha (ಸ್ವಾಧಾರ ಗೃಹ) | ಸಂಕಷ್ಟದಲ್ಲಿರುವ ಮಹಿಳೆಯರಿಗೆ ಆಶ್ರಯ, ಆಹಾರ ಮತ್ತು ಪುನರ್ವಸತಿ | https://dwdsc.karnataka.gov.in |
| Samrudhi Scheme (ಸಮೃದ್ಧಿ) | ಬೀದಿ ವ್ಯಾಪಾರಿಗಳು ಮತ್ತು ಸಣ್ಣ ಉದ್ಯಮಿಗಳಿಗೆ ಹಣಕಾಸು ನೆರವು | https://industries.karnataka.gov.in |
| Saviruchi & Skill Programs (ಸವಿರುಚಿ) | ಮಹಿಳೆಯರಿಗೆ ಆಹಾರ ಸೇವೆ, ಕೌಶಲ್ಯ ತರಬೇತಿ ಮತ್ತು ಉದ್ಯೋಗ ಅವಕಾಶ | https://dwdsc.karnataka.gov.in |
| Karnataka Shramashakthi Special Women Scheme | ಅಸಂಘಟಿತ ಕ್ಷೇತ್ರದ ಮಹಿಳಾ ಕಾರ್ಮಿಕರಿಗೆ ಆರ್ಥಿಕ ಹಾಗೂ ಸಾಮಾಜಿಕ ಭದ್ರತೆ | https://labour.karnataka.gov.in |
| Interest Subsidy Scheme to Women Entrepreneurs | ಮಹಿಳಾ ಉದ್ಯಮಿಗಳಿಗೆ ಸಾಲದ ಮೇಲೆ ಬಡ್ಡಿ ಸಹಾಯ | https://msme.karnataka.gov.in |
ಮಹಿಳಾ ಸಬಲೀಕರಣಕ್ಕಾಗಿ ಇತ್ತೀಚಿನ 10 ಸರ್ಕಾರಿ ಯೋಜನೆಗಳು (Top Government schemes for womens)
1. ಶಕ್ತಿ ಯೋಜನೆ (Shakti Scheme – Free Bus Travel for Women)
ಶಕ್ತಿ ಯೋಜನೆ ಕರ್ನಾಟಕ ಸರ್ಕಾರದಿಂದ ಮಹಿಳಾ ಸಬಲೀಕರಣ ಮತ್ತು ಸ್ವಾವಲಂಬನೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಪ್ರಾರಂಭಿಸಲಾದ ಕಲ್ಯಾಣ ಯೋಜನೆ. ಈ ಯೋಜನೆಯಡಿಯಲ್ಲಿ, ಕರ್ನಾಟಕದ ಎಲ್ಲಾ ಸರ್ಕಾರಿ ಬಸ್ಸುಗಳಲ್ಲಿ ಮಹಿಳೆಯರಿಗೆ ಉಚಿತ ಪ್ರಯಾಣದ ಅವಕಾಶ ನೀಡಲಾಗುತ್ತದೆ. ಈ ಯೋಜನೆಯ ಮುಖ್ಯ ಉದ್ದೇಶವು ಮಹಿಳೆಯರ ಆರ್ಥಿಕ ಸಬಲೀಕರಣ, ಹೆಚ್ಚಿನ ಓಡಾಟದ ಸ್ವಾತಂತ್ರ್ಯ ಮತ್ತು ಪ್ರಯಾಣದ ವೆಚ್ಚವನ್ನು ಕಡಿಮೆ ಮಾಡುವುದಾಗಿದೆ.
ಮಧ್ಯಮ ವರ್ಗದ ಹೆಣ್ಣು ಮಕ್ಕಳಿಗೆ ಹಾಗು ಪ್ರತಿದಿನ ಪ್ರಯಾಣಿಸುವ ಕಾರ್ಮಿಕ ವರ್ಗದ ಮಹಿಳೆಯರಿಗೆ, ವಿದ್ಯಾಭ್ಯಾಸ ಮಾಡುತ್ತಿರುವ ಹೆಣ್ಣುಮಕ್ಕಳಿಗೆ ಉಚಿತ ಪ್ರಯಾಣವಿರುವುದರಿಂದ ಪ್ರತಿ ತಿಂಗಳ ಪ್ರಯಾಣ ದರ ಉಳಿತಾಯವಾಗುತ್ತಿದೆ .
ಉಚಿತ ಬಸ್ ಪ್ರಯಾಣವು ಮಹಿಳೆಯರ ದೈನಂದಿನ ಜೀವನದಲ್ಲಿ ಧನಾತ್ಮಕ ಪರಿಣಾಮವನ್ನುಂಟುಮಾಡಿದ್ದು, ಅವರು ಶಿಕ್ಷಣ, ಉದ್ಯೋಗ ಮತ್ತು ಗೃಹ ಜವಾಬ್ದಾರಿಗಳನ್ನು ಹಣಕಾಸಿನ ಭಾರವಿಲ್ಲದೆ ಸುಲಭವಾಗಿ ನಿರ್ವಹಿಸಬಹುದು.
ಶಕ್ತಿ ಯೋಜನೆಯ ಮುಖ್ಯಾಂಶಗಳು :
- ಅನ್ವಯವಾಗುವ ಬಸ್ಸುಗಳು: ರಾಜ್ಯದ ನಾಲ್ಕು ಸಾರಿಗೆ ಸಂಸ್ಥೆಗಳ (KSRTC, BMTC, NWKRTC, KKRTC) ಸಾಮಾನ್ಯ ಬಸ್ಸುಗಳು (Ordinary and Express).
- ಕರ್ನಾಟಕದಾದ್ಯಂತ ಈ ಯೋಜನೆ ಜಾರಿಯಲ್ಲಿದೆ
- ವಿದ್ಯಾರ್ಥಿನಿಯರು, ಕಾರ್ಮಿಕ ಮಹಿಳೆಯರು, ಗೃಹಿಣಿಯರು, ಹಿರಿಯನಾಗರೀಕರಿಗೆ ಉಪಯುಕ್ತ
- ಸುರಕ್ಷಿತ ಮತ್ತು ಕೈಗೆಟುಕುವ ಸಾರ್ವಜನಿಕ ಸಾರಿಗೆಯನ್ನು ಉತ್ತೇಜಿಸುತ್ತದೆ
- ಈ ಯೋಜನೆಯು ಕೇವಲ ಕರ್ನಾಟಕ ರಾಜ್ಯದ ಮಹಿಳೆಯರಿಗೆ ಮಾತ್ರ
- “ಶಕ್ತಿ” ಸ್ಮಾರ್ಟ್ ಕಾರ್ಡನ್ನು ಸೇವಾ ಸಿಂಧು ಸರ್ಕಾರಿ ವೆಬ್ ಪೋರ್ಟಲ್ ಮೂಲಕ ಪಡೆದುಕೊಳ್ಳಬಹುದು
2. ಗೃಹ ಲಕ್ಷ್ಮಿ ಯೋಜನೆ
ಗೃಹ ಲಕ್ಷ್ಮಿ ಯೋಜನೆ ಎನ್ನುವುದು (gruha lakshmi karntaka government scheme) ಕರ್ನಾಟಕ ಸರ್ಕಾರದ ಪ್ರಮುಖ ಯೋಜನೆಗಳಲ್ಲಿ ಒಂದಾಗಿದ್ದು ಇದರ ಮುಖ್ಯ ಉದ್ದೇಶ ಮಹಿಳೆಯರಿಗೆ ಆರ್ಥಿಕ ಸಹಾಯ ಒದಗಿಸಿ, ಅವರ ಜೀವನಮಟ್ಟವನ್ನು ಸುಧಾರಿಸುವುದು. ಈ ಯೋಜನೆಯಡಿ ಕುಟುಂಬದ ಯಜಮಾನಿ ಮಹಿಳೆಗೆ ಪ್ರತಿ ತಿಂಗಳು ₹2,000 ನೇರವಾಗಿ ಅವರ ಬ್ಯಾಂಕ್ ಖಾತೆಗೆ ನೇರ ವರ್ಗಾವಣೆ (DBT) ಮೂಲಕ ನೀಡಲಾಗುತ್ತದೆ. ಯೋಜನೆ ಮಹಿಳೆಯರಿಗೆ ಸ್ವಾವಲಂಬನೆ ಮತ್ತು ಸಾಮಾಜಿಕ ಭದ್ರತೆ ನೀಡಲು ರೂಪಿಸಲಾಗಿದೆ, ಇದರಿಂದ ಅವರು ದಿನನಿತ್ಯದ ಖರ್ಚು ಮತ್ತು ಆರ್ಥಿಕ ತೊಂದರೆಗಳನ್ನು ಕಡಿಮೆ ಮಾಡಿಕೊಳ್ಳಬಹುದು.
ಗೃಹ ಲಕ್ಷ್ಮಿ ಯೋಜನೆಯ ಮುಖ್ಯಾಂಶಗಳು
- ಹಣಕಾಸು ನೆರವು: ಅರ್ಹ ಮಹಿಳೆಯರಿಗೆ ಪ್ರತಿ ತಿಂಗಳು ₹2,000 ನೇರವಾಗಿ ಬ್ಯಾಂಕ್ ಖಾತೆಗೆ ಜಮಾ ಮಾಡಲಾಗುತ್ತದೆ.
- ಅರ್ಹರು: ರೇಷನ್ ಕಾರ್ಡ್ನಲ್ಲಿ ಕುಟುಂಬದ ಮುಖ್ಯಸ್ಥೆಯಾಗಿ ಹೆಸರು ಇರುವ ಮಹಿಳೆಯರು (BPL / APL / ಅಂತ್ಯೋದಯ).
- ಯೋಜನೆಯ ಉದ್ದೇಶ: ಮಹಿಳೆಯರಿಗೆ ಆರ್ಥಿಕ ಸ್ವಾತಂತ್ರ್ಯ ನೀಡುವುದು ಮತ್ತು ಮನೆಯ ಖರ್ಚಿಗೆ ಸಹಾಯ ಮಾಡುವುದು.
- ಅರ್ಹತೆಯಿಂದ ಹೊರಗುಳಿಯುವವರು: ಮಹಿಳೆ ಅಥವಾ ಅವರ ಪತಿ ಆದಾಯ ತೆರಿಗೆ ಪಾವತಿಸುವವರಾಗಿರಬಾರದು ಅಥವಾ ಸರ್ಕಾರಿ ಉದ್ಯೋಗದಲ್ಲಿರಬಾರದು.
- ಅರ್ಜಿಯ ವಿಧಾನ: ಸೇವಾ ಸಿಂಧು ಪೋರ್ಟಲ್, ಕರ್ನಾಟಕ ಒನ್, ಗ್ರಾಮ ಒನ್ ಹಾಗೂ ಬೆಂಗಳೂರು ಒನ್ ಕೇಂದ್ರಗಳ ಮೂಲಕ ಅರ್ಜಿ ಸಲ್ಲಿಸಬಹುದು (ಆಧಾರ್ ಮತ್ತು ಬ್ಯಾಂಕ್ ಖಾತೆ ಅಗತ್ಯ).
3. ಭಾಗ್ಯಲಕ್ಷ್ಮಿ ಯೋಜನೆ
ಭಾಗ್ಯಲಕ್ಷ್ಮಿ ಯೋಜನೆ ಕರ್ನಾಟಕ ಸರ್ಕಾರದಿಂದ ಆರಂಭಿಸಲಾದ ಮಹಿಳಾ ಸಬಲೀಕರಣ ಮತ್ತು ಸಾಮಾಜಿಕ ಕಲ್ಯಾಣಕ್ಕೆ ಸಂಬಂಧಿಸಿದ ಉದ್ದೇಶದ ಯೋಜನೆ. ಈ ಯೋಜನೆಯ ಮುಖ್ಯ ಉದ್ದೇಶವು ಹೆಣ್ಣು ಮಕ್ಕಳ ಯೋಗಕ್ಷೇಮ ಮತ್ತು ಸುಸ್ಥಿರತೆಯನ್ನು ಉತ್ತೇಜಿಸುವುದು ಮತ್ತು ಆರ್ಥಿಕವಾಗಿ ದುರ್ಬಲ ಕುಟುಂಬಗಳನ್ನು ಬೆಂಬಲಿಸುವುದು.
ಈ ಯೋಜನೆಯಡಿ ಬಡತನರೇಖೆಗೆ (BPL) ಒಳಪಟ್ಟ ಕುಟುಂಬಗಳ ಹೆಣ್ಣು ಮಕ್ಕಳಿಗೆ ಹಣಕಾಸು ನೆರವು ಮತ್ತು ವಿಮಾ ಸೌಲಭ್ಯಗಳು ನೀಡಲಾಗುತ್ತವೆ. ಈ ಯೋಜನೆಯ ಮೂಲಕ, ಪೋಷಕರು ತಮ್ಮ ಪುತ್ರಿಯರಿಗೆ ಆರೋಗ್ಯ ಸೇವೆ, ಪೋಷಣ, ಶಿಕ್ಷಣ ಮುಂತಾದ ಮೂಲ ಅಗತ್ಯಗಳನ್ನು ಪೂರೈಸಲು ನೆರವು ಪಡೆಯಬಹುದು ಮತ್ತು ಅವರ ಭವಿಷ್ಯವನ್ನು ಉತ್ತಮಗೊಳಿಸಲು ಸಹಾಯವಾಗುತ್ತದೆ.
ಭಾಗ್ಯಲಕ್ಷ್ಮಿ ಯೋಜನೆಯ ಮುಖ್ಯಾಂಶಗಳು
- ಒಟ್ಟು ಠೇವಣಿ: ಪ್ರತಿ ಬಿಪಿಎಲ್ ಕುಟುಂಬದ 2 ಹೆಣ್ಣು ಮಕ್ಕಳಿಗಾಗಿ 15 ವರ್ಷಗಳ ಅವಧಿಯಲ್ಲಿ ಒಟ್ಟು ₹45,000 (ಪ್ರತಿ ವರ್ಷ ₹3,000) ಠೇವಣಿ.
- ಪೂರ್ಣ ಮೊತ್ತ (ಮೆಚ್ಯುರಿಟಿ ) : 21 ವರ್ಷಗಳ ನಂತರ, ಖಾತೆ ನಿರೀಕ್ಷಿತವಾಗಿ ₹1.27 ಲಕ್ಷಗೆ ಮೆಚ್ಯುರ್ ಆಗಿದ್ದು, ಫಲಾನುಭವಿಗಳಿಗೆ ನೀಡಲಾಗುತ್ತದೆ.
- ಶಿಕ್ಷಣಕ್ಕಾಗಿ ಭಾಗಶಃ ಹಣಕಾಸು ಪಡೆಯುವುದು: 10 ನೇ ತರಗತಿ (SSLC) ಪೂರ್ಣಗೊಂಡ ನಂತರ, ಉನ್ನತ ಶಿಕ್ಷಣಕ್ಕಾಗಿ ಖಾತೆಯಿಂದ ಠೇವಣೆಯ 50% ಹಣವನ್ನು ತೆಗೆದುಕೊಳ್ಳಬಹುದು.
Official Website : Visit the official website blakshmi.kar.nic.in
4. ಸ್ತ್ರೀ ಶಕ್ತಿ ಯೋಜನೆ (Stree Shakthi Scheme – Women’s SHG Empowerment)
ಸ್ತ್ರೀ ಶಕ್ತಿ ಯೋಜನೆ ಕರ್ನಾಟಕ ಸರ್ಕಾರದ ಒಂದು ಪ್ರಮುಖ ಯೋಜನೆ. ಇದರ ಉದ್ದೇಶ ಗ್ರಾಮೀಣ ಭಾಗದ ಮಹಿಳೆಯರನ್ನು ಸ್ವ ಸಹಾಯ ಸಮೂಹಗಳ (SHGs) ಮೂಲಕ ಸಬಲೀಕರಿಸುವುದು.
ಮಹಿಳೆಯರ ಆರ್ಥಿಕ ಹಾಗೂ ಸಾಮಾಜಿಕ ಸದೃಢತೆ ಹೆಚ್ಚಿಸಲು, ಹಣವನ್ನು ಉಳಿತಾಯ ಮಾಡುವಂತೆ ಪ್ರೇರಣೆ ನೀಡಲು , ಹಣಕಾಸು ನೆರವು ಒದಗಿಸುವುದು ಮತ್ತು ಆದಾಯ ಗಳಿಸುವ ಚಟುವಟಿಕೆಗಳನ್ನು ಬೆಂಬಲಿಸುವುದೇ ಈ ಯೋಜನೆಯ ಗುರಿ.
ಈ ಯೋಜನೆಯಡಿ, ಗ್ರಾಮೀಣ ಮಹಿಳೆಯರನ್ನು ಸ್ವ ಸಹಾಯ ಸಮೂಹಗಳಾಗಿ ಒಟ್ಟುಗೂಡಿಸಲಾಗುತ್ತದೆ. ಅಲ್ಲಿ ಅವರು ಹಣ ಉಳಿಸುವುದು, ಸಾಲ ಪಡೆಯುವುದು ಮತ್ತು ಉದ್ಯಮ ಶಕ್ತಿಯನ್ನು ಬೆಳೆಸಿಕೊಳ್ಳುವುದು ಉತ್ತೇಜಿಸಲಾಗುತ್ತದೆ. ಇಂತಹ ಒಕ್ಕೂಟದ ಮೂಲಕ ಮಹಿಳೆಯರು ಆರ್ಥಿಕವಾಗಿ ಸ್ವತಂತ್ರರಾಗಿ, ತಮ್ಮ ಕುಟುಂಬ ಮತ್ತು ಸಮುದಾಯದಲ್ಲಿ ನಂಬಿಗಸ್ತ ನಿರ್ಧಾರಗಳನ್ನು ತೆಗೆದುಕೊಳ್ಳಬಲ್ಲರು.
ಸ್ತ್ರೀ ಶಕ್ತಿ ಯೋಜನೆಯ ಮುಖ್ಯಾಂಶಗಳು
- ಹಣಕಾಸು ಬೆಂಬಲ: ಸ್ವ ಸಹಾಯ ಸಮೂಹಗಳಿಗೆ ರಿವಾಲ್ವಿಂಗ್ ಫಂಡ್, ಬ್ಯಾಂಕ್ ಲಿಂಕೆಜ್, 6% ಬಡ್ಡಿ ಸಬ್ಸಿಡಿ ಮತ್ತು ಹೆಚ್ಚುವರಿ ಉಳಿತಾಯಕ್ಕೆ ಪ್ರೋತ್ಸಾಹ.
- ಕೌಶಲ್ಯ ಅಭಿವೃದ್ಧಿ: ವಿವಿಧ ಮಟ್ಟದ ತರಬೇತಿ ಮತ್ತು ಆದಾಯ-ನಿರ್ಮಿಸುವ ಚಟುವಟಿಕೆಗಳಲ್ಲಿ ಭಾಗವಹಿಸುವ ಸಮೂಹಗಳಿಗೆ ಪ್ರೋತ್ಸಾಹ.
- ಮಾರ್ಕೆಟಿಂಗ್ ಬೆಂಬಲ: ವಾರ್ಷಿಕ ಪ್ರದರ್ಶನಗಳು, ಮೇಳಗಳು ಮತ್ತು ನೇರ/ಆನ್ಲೈನ್ ಮಾರ್ಕೆಟಿಂಗ್.
- ತಾಲೂಕು ಮಟ್ಟದ ಫೆಡರೇಷನ್ಸ್: ಎಲ್ಲಾ ಕ್ಲಸ್ಟರ್ ಗುಂಪುಗಳಿಂದ ರೂಪಗೊಳ್ಳುವ ಮತ್ತು “Stree Shakthi Block Societies” ಎಂಬ ಹೆಸರಿನಲ್ಲಿ ನೋಂದಾಯಿಸಲ್ಪಡುವ ಸಂಘಗಳು.
- ಜಿಲ್ಲಾ ಮಟ್ಟದ ಫೆಡರೇಷನ್ಸ್: ಎಲ್ಲಾ ತಾಲೂಕು ಫೆಡರೇಷನ್ಸ್ನಿಂದ ರೂಪಗೊಂಡು, 1960ರ ಸೊಸೈಟಿ ಕಾಯ್ದೆಯಡಿಯಲ್ಲಿ ನೋಂದಾಯಿತ.
- ಭವನಗಳು ಮತ್ತು ಮೂಲಸೌಕರ್ಯ: ತಾಲೂಕು, ಜಿಲ್ಲೆ ಮತ್ತು ವಿಭಾಗ ಮಟ್ಟದಲ್ಲಿ ತರಬೇತಿ, ಆದಾಯ-ನಿರ್ಮಿಸುವ ಚಟುವಟಿಕೆ ಮತ್ತು ಉತ್ಪನ್ನಗಳ ಮಾರ್ಕೆಟಿಂಗ್ ನಡೆಸಲು ಸ್ತ್ರೀ ಶಕ್ತಿ ಭವನಗಳು ನಿರ್ಮಿಸಲಾಗಿದೆ.
5. ಸಾಂತ್ವನ ಯೋಜನೆ (Santhwana Scheme – Support for Abuse Victims)
ಸಾಂತ್ವನ ಯೋಜನೆ ಕರ್ನಾಟಕ ಸರ್ಕಾರದಿಂದ ಪ್ರಾರಂಭಿಸಲಾದ ಮತ್ತೊಂದು ಮಹಿಳಾ ಕಲ್ಯಾಣ ಯೋಜನೆ. ಈ ಯೋಜನೆಯ ಉದ್ದೇಶ ಕೌಟುಂಬಿಕ ಹಿಂಸೆ, ಲೈಂಗಿಕ ದುರುಪಯೋಗ ಮತ್ತು ಇತರೆ ಶೋಷಣೆಗೆ ಒಳಗಾದ ಮಹಿಳೆಗಳಿಗೆ ಹಣಕಾಸು ನೆರವು ಮತ್ತು ಸಹಾಯ ಒದಗಿಸುವುದು. ಯೋಜನೆಯ ಮುಖ್ಯ ಗುರಿ ತಕ್ಷಣದ ಪರಿಹಾರ ನೀಡುವುದು ಮತ್ತು ದೀರ್ಘಕಾಲೀನ ಬೆಂಬಲ ಒದಗಿಸುವುದರ ಮೂಲಕ ಮಹಿಳೆಯರು ಗೌರವ ಮತ್ತು ಭದ್ರತೆಯೊಂದಿಗೆ ತಮ್ಮ ಜೀವನವನ್ನು ಚೇತನ ಪಡಿಸಲು ಸಹಾಯ ಮಾಡುವುದು.
ಹಣಕಾಸು ನೆರವು ಮತ್ತು ಸಂಸ್ಥಾ ಬೆಂಬಲ ನೀಡುವುದರಿಂದ, ಸಾಂತ್ವನ ಯೋಜನೆ ಹಿಂಸೆಗೆ ಒಳಗಾದ ಮಹಿಳೆಯರಿಗೆ ಮಾನಸಿಕ ನೋವನ್ನು ತಡೆಯಲು, ಕಾನೂನು ಪರಿಹಾರ ಪಡೆಯಲು ಮತ್ತು ಅವಶ್ಯಕ ಅಗತ್ಯಗಳನ್ನು ಪೂರೈಸಲು ಸಹಾಯ ಮಾಡುತ್ತದೆ. ಇದು ಅತೀ ದುರ್ಬಲ ಮಹಿಳೆಯರಿಗೆ ನ್ಯಾಯ ಮತ್ತು ಸಾಮಾಜಿಕ ರಕ್ಷಣೆ ಒದಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.
ಸಾಂತ್ವನ ಯೋಜನೆಯ ಮುಖ್ಯಾಂಶಗಳು
ಉದ್ದೇಶ: ದೈಹಿಕ ಮತ್ತು ಮಾನಸಿಕ ಹಿಂಸೆ ಅನುಭವಿಸಿದ ಮಹಿಳೆಯರಿಗೆ ತ್ವರಿತ ನೆರವು, ಕಾನೂನು ಬೆಂಬಲ ಮತ್ತು ಆಶ್ರಯ ಒದಗಿಸುವುದು.
ಯಾರಿಗೆ ಸಹಾಯ: ಕೌಟುಂಬಿಕ ದೌರ್ಜನ್ಯ, ವರದಕ್ಷಿಣೆ ಕಿರುಕುಳ, ಲೈಂಗಿಕ ಕಿರುಕುಳದ ಸಂತ್ರಸ್ತರು.
ಸೇವಾ ಕೇಂದ್ರಗಳು: ರಾಜ್ಯಾದ್ಯಂತ 123ಕ್ಕೂ ಹೆಚ್ಚು ಸಾಂತ್ವಾನ ಕೇಂದ್ರಗಳು ಕಾರ್ಯನಿರ್ವಹಿಸುತ್ತಿವೆ.
ಕಾನೂನು ನೆರವು: ಪೊಲೀಸ್ ದೂರು ದಾಖಲಿಸಲು ಮತ್ತು ಕಾನೂನು ಹೋರಾಟದಲ್ಲಿ ಮಾರ್ಗದರ್ಶನ.
ಆಪ್ತಸಮಾಲೋಚನೆ ಮತ್ತು ಆಶ್ರಯ: ಮಾನಸಿಕ ಸ್ಥೈರ್ಯಕ್ಕಾಗಿ ಕೌನ್ಸೆಲಿಂಗ್ ಮತ್ತು ತುರ್ತು ಸಂದರ್ಭಗಳಲ್ಲಿ ತಾತ್ಕಾಲಿಕ ಆಶ್ರಯ.
ಆರ್ಥಿಕ ನೆರವು ಮತ್ತು ಸಂಪರ್ಕ: ಪುನರ್ವಸತಿಗಾಗಿ ಹಣಕಾಸು ನೆರವು ಮತ್ತು ಸೇವೆ ಪಡೆಯಲು 181 ಮಹಿಳಾ ಸಹಾಯವಾಣಿ ಸಂಪರ್ಕ.
6. ಉದ್ಯೋಗಿನಿ ಯೋಜನೆ- Udyogini Scheme – Entrepreneurship & Loans
ಉದ್ಯೋಗಿನಿ ಯೋಜನೆ ಕರ್ನಾಟಕ ಸರ್ಕಾರದ ಮತ್ತೊಂದು ಬೆಂಬಲಾತ್ಮಕ ಮಹಿಳೆಯರಿಗಾಗಿ ಇರುವ ಯೋಜನೆ, ಮಹಿಳೆಯರನ್ನು ಉದ್ಯಮಶೀಲತೆಯ ಮೂಲಕ ಸ್ವಾವಲಂಬನೀಯರಾಗಿಸಲು ಪ್ರೋತ್ಸಾಹಿಸುತ್ತದೆ.
ಈ ಯೋಜನೆಯು ಮಹಿಳೆಯರಿಗೆ ಸಣ್ಣ ಉದ್ಯಮಗಳನ್ನು ಪ್ರಾರಂಭಿಸಲು ಅಥವಾ ವಿಸ್ತರಿಸಲು ಸಾಲದ ಮೂಲಕ ಹಣಕಾಸು ನೆರವು, ಮಾರ್ಗದರ್ಶನ ಮತ್ತು ಬೆಂಬಲ ಒದಗಿಸುವುದರ ಮೇಲೆ ಕೇಂದ್ರೀಕರಿಸಿದೆ.
ಇದರ ಮುಖ್ಯ ಉದ್ದೇಶವು ಆರ್ಥಿಕ ಸ್ವಾತಂತ್ರ್ಯವನ್ನು ಉತ್ತೇಜಿಸುವುದು ಮತ್ತು ರಾಜ್ಯದ ಅಭಿವೃದ್ಧಿಯಲ್ಲಿ ಮಹಿಳೆಯರ ಪಾತ್ರವನ್ನು ಗಟ್ಟಿಗೊಳಿಸುವುದಾಗಿದೆ.
ಉದ್ಯೋಗಿನಿ ಯೋಜನೆಯ ಮುಖ್ಯಾಂಶಗಳು
- ಸಾಲದ ಮೊತ್ತ ಮತ್ತು ಸಬ್ಸಿಡಿ: ₹3,00,000ವರೆಗೆ ಸಾಲ, ಸಾಮಾನ್ಯ ವರ್ಗದ ಮಹಿಳೆಯರಿಗೆ 30% ಸಬ್ಸಿಡಿ (₹90,000ವರೆಗೂ) ಮತ್ತು ಪರಿಶಿಷ್ಟ/ಪರಿಶಿಷ್ಟ ಪಂಗಡದ ಮಹಿಳೆಯರಿಗೆ 50% ಸಬ್ಸಿಡಿ (₹1,50,000ವರೆಗೂ).
- ಬಡ್ಡಿ ರಹಿತ ಆಯ್ಕೆಗಳು: ವಿಧವೆಯರು, ನಿರ್ಗತಿಕ ಮಹಿಳೆಯರು ಮತ್ತು ದೈಹಿಕ ಅಂಗವಿಕಲತೆ ಹೊಂದಿರುವ ಮಹಿಳೆಯರಿಗೆ ಲಭ್ಯ.
- ಅರ್ಹತೆ: 18–55 ವರ್ಷ ವಯಸ್ಸಿನ ಮಹಿಳೆಯರು, ಕುಟುಂಬದ ವಾರ್ಷಿಕ ಆದಾಯ ₹1.5–2 ಲಕ್ಷದ ಕೆಳಗೆ (ವರ್ಗಕ್ಕೆ ಅನುಸಾರ).
- ಕೊಲ್ಯಾಟರಲ್ ರಹಿತ ಸಾಲಗಳು: ಯಾವುದೇ ಗ್ಯಾರಂಟಿ ಅಥವಾ ಭದ್ರತೆಯ ಅಗತ್ಯವಿಲ್ಲ, ಕಡಿಮೆ ಆದಾಯ ಹೊಂದಿರುವ ಮಹಿಳೆಯರಿಗೆ ಸುಲಭ ಲಭ್ಯ.
- ವ್ಯವಸ್ಥಾಪನಾ ಬೆಂಬಲ: 88 ಸಣ್ಣ ಕೈಗಾರಿಕೆಗಳು ಮತ್ತು ಕೃಷಿ ಚಟುವಟಿಕೆಗಳನ್ನು ಒಳಗೊಂಡಿದ್ದು, ವ್ಯಾಪಾರ ಯೋಜನೆ, ವೆಚ್ಚ ನಿರ್ವಹಣೆ ಮತ್ತು ನಿರ್ವಹಣೆಯಲ್ಲಿ ತರಬೇತಿ ನೀಡಲಾಗುತ್ತದೆ.
- ಸಹಾಯ: ಕಡಿಮೆ ಆರ್ಥಿಕ ಸ್ಥಿತಿಯ ಮಹಿಳೆಯರಿಗೆ, ವಿಧವೆಯರು ಮತ್ತು ಅಂಗವಿಕಲ ಮಹಿಳೆಯರಿಗೆ ಆದ್ಯತೆ.
- ಅನುಷ್ಠಾನ: ಬ್ಯಾಂಕ್ಗಳು ಮತ್ತು ಹಣಕಾಸು ಸಂಸ್ಥೆಗಳ ಮೂಲಕ, ಕರ್ನಾಟಕ ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮ (KSWDC) ಬೆಂಬಲದೊಂದಿಗೆ ನಡವಳಿಕೆ.
7. ಸ್ವಾಧಾರ ಗೃಹ (ಆಶ್ರಯ ಗೃಹಗಳು) – ಪುನರ್ವಸತಿ ಮತ್ತು ಬೆಂಬಲ
ಸ್ವಾಧಾರ ಗೃಹವು ಭಾರತ ಸರ್ಕಾರದ ಬೆಂಬಲದೊಂದಿಗೆ ರಾಜ್ಯ ಮಟ್ಟದಲ್ಲಿ ಜಾರಿಯಲ್ಲಿರುವ ಯೋಜನೆಯಾಗಿದೆ. ಸಂಕಷ್ಟದಲ್ಲಿರುವ ಮಹಿಳೆಯರಿಗೆ ಆಶ್ರಯ, ಆರೈಕೆ ಮತ್ತು ಪುನರ್ವಸತಿ ಒದಗಿಸುವುದೇ ಇದರ ಮುಖ್ಯ ಉದ್ದೇಶ.
ಮನೆ ಇಲ್ಲದವರು, ನಿರ್ಗತಿಕ ಮಹಿಳೆಯರು, ವಿಧವೆಯರು, ಹಿಂಸೆಗೆ ಒಳಗಾದವರು ಹಾಗೂ ಸಾಮಾಜಿಕ-ಆರ್ಥಿಕ ತೊಂದರೆಗಳನ್ನು ಎದುರಿಸುತ್ತಿರುವ ಮಹಿಳೆಯರಿಗೆ ಈ ಯೋಜನೆ ಸಹಾಯ ಮಾಡುತ್ತದೆ. ಇಂತಹ ಮಹಿಳೆಯರು ತಮ್ಮ ಜೀವನದಲ್ಲಿ ಸ್ಥಿರತೆ, ಗೌರವ ಮತ್ತು ಆತ್ಮವಿಶ್ವಾಸವನ್ನು ಮರಳಿ ಪಡೆಯಲು ಈ ಯೋಜನೆ ನೆರವಾಗುತ್ತದೆ.
ಸ್ವಾಧಾರ ಗೃಹದಲ್ಲಿ ಸುರಕ್ಷಿತ ವಾಸದ ವಾತಾವರಣದ ಜೊತೆಗೆ ಅಗತ್ಯವಾದ ಮೂಲ ಸೌಲಭ್ಯಗಳನ್ನು ಒದಗಿಸಲಾಗುತ್ತದೆ. ಇದರಿಂದ ಅಸಹಾಯಕ ಮಹಿಳೆಯರ ರಕ್ಷಣೆಯಲ್ಲಿ ಈ ಯೋಜನೆ ಮಹತ್ವದ ಪಾತ್ರ ವಹಿಸುತ್ತದೆ. ಇದು ಕೇವಲ ತಾತ್ಕಾಲಿಕ ಆಶ್ರಯ ನೀಡುವುದಲ್ಲದೆ, ದೀರ್ಘಕಾಲೀನ ಪುನರ್ವಸತಿ ಹಾಗೂ ಸಮಾಜದ ಮುಖ್ಯಧಾರೆಯಲ್ಲಿ ಮತ್ತೆ ಸೇರಿಸುವುದಕ್ಕೂ ಒತ್ತು ನೀಡುತ್ತದೆ.
ಸ್ವಾಧಾರ ಗೃಹ ಯೋಜನೆಯ ಮುಖ್ಯಾಂಶಗಳು
- ಫಲಾನುಭವಿಗಳು: 18 ವರ್ಷ ಮೇಲ್ಪಟ್ಟ ಸಂಕಷ್ಟದಲ್ಲಿರುವ ಮಹಿಳೆಯರು, ವಿಧವೆಯರು, ಅಪರಾಧ/ಮಾನವ ಸಾಗಣೆ ಸಂತ್ರಸ್ತರು ಮತ್ತು ಮಾನಸಿಕ ಸಂಕಷ್ಟದಲ್ಲಿರುವ ಮಹಿಳೆಯರು.
- ಮೂಲ ಸೌಲಭ್ಯಗಳು: ವಸತಿ ಆಶ್ರಯ, ಆಹಾರ, ಬಟ್ಟೆ, ವೈದ್ಯಕೀಯ ಸೇವೆಗಳು ಜೊತೆಗೆ ಸಮಾಲೋಚನೆ, ಕಾನೂನು ಸಹಾಯ ಮತ್ತು ಉದ್ಯೋಗ ತರಬೇತಿ ನೀಡಲಾಗುತ್ತದೆ.
- ಮಕ್ಕಳಿಗೆ ಸಹಾಯ: ಮಹಿಳೆಯರು ತಮ್ಮ ಮಕ್ಕಳನ್ನು ಜೊತೆಗೆ ಕರೆತರಬಹುದು (ಹೆಣ್ಣು ಮಕ್ಕಳು 18 ವರ್ಷವರೆಗೆ, ಗಂಡು ಮಕ್ಕಳು 12 ವರ್ಷದವರೆಗಿನವರು .
- ಯೋಜನೆ ಜಾರಿಗೆ ತರುವವರು: ಅನುಭವ ಹೊಂದಿರುವ ಎನ್ಜಿಒಗಳು, ರಾಜ್ಯ ಸರ್ಕಾರಗಳು ಮತ್ತು ಮಹಿಳಾ ಕಲ್ಯಾಣ ಸಂಸ್ಥೆಗಳು ಯೋಜನೆಯನ್ನು ಅನುಷ್ಠಾನಗೊಳಿಸುತ್ತವೆ.
- ಆರ್ಥಿಕ ನೆರವು: ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯದಿಂದ ಸಂಪೂರ್ಣ ಹಣಕಾಸು ನೆರವು ದೊರೆಯುತ್ತದೆ; ಬಾಡಿಗೆ, ನಿರ್ವಹಣೆ ಮತ್ತು ನಿವಾಸಿಗಳ ಅಗತ್ಯ ವೆಚ್ಚಗಳನ್ನು ಒಳಗೊಂಡಿದೆ.
- ಪುನರ್ವಸತಿ ಗುರಿ: ಮಹಿಳೆಯರು ಮಾನಸಿಕ ಬಲ ಪಡೆದು ಕುಟುಂಬ ಅಥವಾ ಸಮಾಜದಲ್ಲಿ ಮತ್ತೆ ಗೌರವದಿಂದ ಬದುಕುವಂತೆ ಮಾಡುವುದೇ ಯೋಜನೆಯ ಮುಖ್ಯ ಉದ್ದೇಶ.
👉 ಈ ಯೋಜನೆ ಮಿಷನ್ ಶಕ್ತಿ (Mission Shakti) ಅಡಿಯಲ್ಲಿ ಜಾರಿಗೊಳ್ಳುತ್ತದೆ.
8 . ಸಮೃದ್ಧಿ ಯೋಜನೆ (Samrudhi Scheme – Assistance for Street Vendors)
ಸಮೃದ್ಧಿ ಯೋಜನೆ ಎನ್ನುವುದು ಕರ್ನಾಟಕ ಸರ್ಕಾರ ಆರಂಭಿಸಿರುವ ಯೋಜನೆಯಾಗಿದ್ದು , ಬೀದಿ ಬದಿ ವ್ಯಾಪಾರ ಮಾಡುವವರು ಹಾಗೂ ನಗರದಲ್ಲಿರುವ ಸಣ್ಣ ವ್ಯಾಪಾರಿಗಳಿಗೆ ಉಪಯೋಗವಾಗುವಂತೆ ರೂಪಿಸಲಾಗಿದೆ. ಈ ಯೋಜನೆಯ ಮೂಲಕ ವ್ಯಾಪಾರಿಗಳಿಗೆ ಹಣಕಾಸು ಸಹಾಯ, ತರಬೇತಿ ಮತ್ತು ಅಗತ್ಯ ನೆರವು ನೀಡಲಾಗುತ್ತದೆ.
ಇದರಿಂದ ಅವರು ತಮ್ಮ ವ್ಯಾಪಾರವನ್ನು ಚೆನ್ನಾಗಿ ಮುನ್ನಡೆಸಲು ಮತ್ತು ಜೀವನವನ್ನು ಸುಧಾರಿಸಿಕೊಳ್ಳಲು ಸಹಾಯವಾಗುತ್ತದೆ. ಬೀದಿ ಬದಿ ವ್ಯಾಪಾರಿಗಳ ಆರ್ಥಿಕ ಭದ್ರತೆ ಮತ್ತು ಸಾಮಾಜಿಕ ಸುರಕ್ಷತೆ ಹೆಚ್ಚಿಸುವುದೇ ಈ ಯೋಜನೆಯ ಮುಖ್ಯ ಉದ್ದೇಶ.
ಈ ಯೋಜನೆಯಲ್ಲಿ ಸಾಲ, ಸಹಾಯಧನ ಮತ್ತು ಕೌಶಲ್ಯ ತರಬೇತಿಗಳನ್ನು ಕೊಡಲಾಗುತ್ತದೆ. ಇದರಿಂದ ಬೀದಿ ವ್ಯಾಪಾರಿಗಳು ತಮ್ಮ ವ್ಯಾಪಾರಾದ ವ್ಯಾಪ್ತಿ ಹೆಚ್ಚಿಸಬಹುದು, ಆದಾಯ ಹೆಚ್ಚಿಸಿಕೊಳ್ಳಬಹುದು ಮತ್ತು ಸ್ವಾವಲಂಬಿಗಳಾಗಬಹುದು. ಜೊತೆಗೆ ಸ್ವಚ್ಛತೆ, ಸರಿಯಾದ ವ್ಯವಸ್ಥೆ ಮತ್ತು ನಿಯಮಬದ್ಧವಾಗಿ ಬೀದಿ ವ್ಯಾಪಾರ ನಡೆಸುವಂತೆ ಪ್ರೋತ್ಸಾಹ ನೀಡಲಾಗುತ್ತದೆ. ಇದರಿಂದ ನಗರಗಳ ಒಟ್ಟಾರೆ ಆರ್ಥಿಕ ಅಭಿವೃದ್ಧಿಗೂ ಈ ಯೋಜನೆ ಸಹಕಾರ ನೀಡುತ್ತದೆ.
ಸಮೃದ್ಧಿ ಯೋಜನೆಯ ಮುಖ್ಯಾಂಶಗಳು
- ಯಾರಿಗೆ: ಕರ್ನಾಟಕದ ಪರಿಶಿಷ್ಟ ಜಾತಿ/ಪರಿಶಿಷ್ಟ ಸಮುದಾಯಗಳಿಗೆ ಸೇರಿದ 21 ರಿಂದ 50 ವರ್ಷದೊಳಗಿನವರಿಗೆ ನೀಡಲಾಗುತ್ತದೆ.
- ಹಣಕಾಸು ನೆರವು: ಉದ್ಯಮಶೀಲತಾ ಕೌಶಲ್ಯಗಳು, ತರಬೇತಿ ಮತ್ತು ಆರ್ಥಿಕ ಬೆಂಬಲ, ಫ್ರಾಂಚೈಸಿ ಅಥವಾ ಚಿಲ್ಲರೆ ಅಂಗಡಿ ಆರಂಭಿಸಲು ಪ್ರತಿ ಲಾಭಾರ್ಥಿಗೆ ಗರಿಷ್ಠ ₹10 ಲಕ್ಷವರೆಗೆ (Seed Grant) ಸಹಾಯ ನೀಡಲಾಗುತ್ತದೆ.
- ಯೋಜನೆಯ ಉದ್ದೇಶ: ಕೈಗಾರಿಕೆಗಳಿಗೆ ಸೇರಿದ ಖಾಸಗಿ ಉದ್ಯಮಗಳನ್ನು ಸ್ಥಾಪಿಸುವ ಮೂಲಕ ಯುವಕರಿಗೆ ಚಿಲ್ಲರೆ ವ್ಯಾಪಾರ ನಿರ್ವಹಣೆ ಮತ್ತು ಫ್ರಾಂಚೈಸಿ ವ್ಯವಹಾರಗಳ ಕುರಿತು ಕೌಶಲ್ಯ ತರಬೇತಿ ನೀಡುವುದು.
- ಅರ್ಹತಾ ಷರತ್ತುಗಳು: ಅರ್ಜಿದಾರರು ಕನಿಷ್ಠ ಎಸ್ಎಸ್ಎಲ್ಸಿ ಉತ್ತೀರ್ಣರಾಗಿರಬೇಕು, ಘಟಕ ಆರಂಭಿಸಲು ಅಗತ್ಯವಾದ ಜಾಗ ಹೊಂದಿರಬೇಕು ಹಾಗೂ ಆಯ್ಕೆ ಸಮಿತಿಯಿಂದ ಆಯ್ಕೆಯಾಗಬೇಕು.
- ಪ್ರದೇಶವಾರು : ಮುಖ್ಯವಾಗಿ ಎರಡನೇ ಮತ್ತು ಮೂರನೇ ಹಂತದ ನಗರಗಳು (Tier–2 ಮತ್ತು tier–3 ನಗರಗಳು) ಈ ಯೋಜನೆಯ ಕೇಂದ್ರೀಯ ಗಮನವಾಗಿದೆ.
9. ಸವಿರುಚಿ ಮತ್ತು ಕೌಶಲ್ಯ ಕಾರ್ಯಕ್ರಮಗಳು ( Saviruchi & Skill Programs – Employment & Food Services)
ಸವಿರುಚಿ ಮತ್ತು ಕೌಶಲ್ಯ ಕಾರ್ಯಕ್ರಮಗಳು ಕರ್ನಾಟಕ ಸರ್ಕಾರದ ವತಿಯಿಂದ ಆರಂಭಿಸಲಾದ ಯೋಜನೆಗಳಾಗಿದ್ದು, ಮಹಿಳೆಯರು ಹಾಗೂ ಯುವಕರಿಗೆ ಉದ್ಯೋಗ ಅವಕಾಶಗಳನ್ನು ಸೃಷ್ಟಿಸುವುದು ಮತ್ತು ಆಹಾರ ಸೇವಾ ಕ್ಷೇತ್ರದಲ್ಲಿನ ಕೌಶಲ್ಯಗಳನ್ನು ಬೆಳೆಸುವುದು ಇದರ ಮುಖ್ಯ ಉದ್ದೇಶವಾಗಿದೆ.
ಈ ಕಾರ್ಯಕ್ರಮಗಳು ಕೌಶಲ್ಯಾಭಿವೃದ್ಧಿ, ವೃತ್ತಿಪರ ತರಬೇತಿ ಮತ್ತು ಆಹಾರ ಉದ್ಯಮದಲ್ಲಿ ಉದ್ಯಮಶೀಲತೆಯನ್ನು ಉತ್ತೇಜಿಸುತ್ತವೆ. ಇದರ ಮೂಲಕ ಭಾಗವಹಿಸುವವರು ಉದ್ಯೋಗ ಪಡೆಯಲು, ಸಣ್ಣ ವ್ಯವಹಾರ ಆರಂಭಿಸಲು ಅಥವಾ ತಮ್ಮ ಜೀವನಮಟ್ಟವನ್ನು ಸುಧಾರಿಸಿಕೊಳ್ಳಲು ಸಹಾಯವಾಗುತ್ತದೆ. ಪ್ರಾಯೋಗಿಕ ಕೌಶಲ್ಯಗಳ ಮೂಲಕ ಸ್ಥಿರ ಉದ್ಯೋಗ ಮತ್ತು ಸ್ವಾವಲಂಬನೆ ನೀಡುವುದೇ ಇದರ ಗುರಿಯಾಗಿದೆ.
ತರಬೇತಿಯ ಜೊತೆಗೆ ನೈಜ ಅನುಭವವನ್ನು ನೀಡುವ ಮೂಲಕ, ಭಾಗವಹಿಸುವವರು ಕ್ಯಾಟರಿಂಗ್, ಆಹಾರ ತಯಾರಿ, ಸ್ವಚ್ಛತೆ ಮತ್ತು ವ್ಯವಹಾರ ನಿರ್ವಹಣೆ ಕುರಿತು ಉತ್ತಮ ತಿಳುವಳಿಕೆ ಪಡೆದುಕೊಳ್ಳುತ್ತಾರೆ. ಜೊತೆಗೆ, ನಗರ ಮತ್ತು ಗ್ರಾಮೀಣ ಎರಡೂ ಪ್ರದೇಶಗಳಲ್ಲಿ ಸ್ವ ಉದ್ಯೋಗವನ್ನು ಉತ್ತೇಜಿಸಿ, ಉದ್ಯೋಗ ಅವಕಾಶಗಳಿಗೆ ಉತ್ತಮ ಪ್ರವೇಶ ಕಲ್ಪಿಸುವುದಕ್ಕೂ ಈ ಕಾರ್ಯಕ್ರಮಗಳು ಸಹಕಾರ ನೀಡುತ್ತವೆ.
ಸವಿರುಚಿ ಯೋಜನೆಯ ಮುಖ್ಯಾಂಶಗಳು
- ಮೊಬೈಲ್ ಕ್ಯಾಂಟೀನ್ ವ್ಯವಸ್ಥೆ: ಮಹಿಳೆಯರೇ ಸಂಪೂರ್ಣವಾಗಿ ನಡೆಸುವ “ಸವಿರುಚಿ” ಮೊಬೈಲ್ ಕ್ಯಾಂಟೀನ್ಗಳನ್ನು ಸ್ಥಾಪಿಸಿ ಸಾರ್ವಜನಿಕರಿಗೆ ಆಹಾರ ಸೇವೆ ಒದಗಿಸಲಾಗುತ್ತದೆ.
- ಬಡ್ಡಿರಹಿತ ಸಾಲ ಸಹಾಯ: ಮೊಬೈಲ್ ಕ್ಯಾಂಟೀನ್ಗಳನ್ನು ನಿರ್ವಹಿಸಲು ಜಿಲ್ಲಾ ಸ್ತ್ರೀ ಶಕ್ತಿ ಫೆಡರೇಷನ್ಗಳಿಗೆ ಕರ್ನಾಟಕ ಸರ್ಕಾರದಿಂದ ₹10 ಲಕ್ಷದವರೆಗೆ ಬಡ್ಡಿರಹಿತ ಸಾಲ ನೀಡಲಾಗುತ್ತದೆ.
- ವೃತ್ತಿಪರ ತರಬೇತಿ: ಭಾಗವಹಿಸುವ ಮಹಿಳೆಯರಿಗೆ ಆಹಾರ ತಯಾರಿ, ನಿರ್ವಹಣೆ, ಆರೋಗ್ಯ ಮತ್ತು ಸ್ವಚ್ಛತೆ ಕುರಿತು ವಿಶೇಷ ತರಬೇತಿ ನೀಡಲಾಗುತ್ತದೆ (ಸಿಎಸ್ಐಆರ್–ಸಿಎಫ್ಟಿಆರ್ಐ ಸಹಭಾಗಿತ್ವದೊಂದಿಗೆ).
- ಗುಣಮಟ್ಟದ ಅಗ್ಗದ ಆಹಾರ: ರೊಟ್ಟಿ, ಉಪ್ಪಿನಕಾಯಿ, ಚಕ್ಕುಲಿ, ಒಬ್ಬಟ್ಟು, ವಡೆ, ಸಿಹಿತಿನಿಸುಗಳಂತಹ ಪರಂಪರಾಗತ ಆಹಾರವನ್ನು ಕಡಿಮೆ ಬೆಲೆಯಲ್ಲಿ ಮಾರಾಟ ಮಾಡುವುದಕ್ಕೆ ಒತ್ತು ನೀಡಲಾಗಿದೆ.
- ಕೌಶಲ್ಯಾಭಿವೃದ್ಧಿ ಮತ್ತು ಉದ್ಯೋಗ: ಆಹಾರ ಸೇವೆಯ ಜೊತೆಗೆ ಉದ್ಯಮಶೀಲ ಕೌಶಲ್ಯಗಳನ್ನು ಬೆಳೆಸಿ ಮಹಿಳೆಯರು ಆದಾಯ ಗಳಿಸುವ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಪ್ರೋತ್ಸಾಹ ನೀಡಲಾಗುತ್ತದೆ.
- ಅಂಚಿನ ಸಮುದಾಯಗಳ ಸಬಲೀಕರಣ: ಎಚ್ಐವಿ ಸೋಂಕಿತ ಮಹಿಳೆಯರಂತಹ ವಿಶೇಷ ವರ್ಗಗಳಿಗೆ (ಸಮೃದ್ಧಿ ಯೋಜನೆಯ ಮೂಲಕ) ಹೆಚ್ಚುವರಿ ಹಣಕಾಸು ಸಹಾಯ ನೀಡಿ ಈ ವ್ಯವಹಾರ ನಡೆಸಲು ಅವಕಾಶ ನೀಡಲಾಗುತ್ತದೆ.
ಹೆಚ್ಚಿನ ಮಾಹಿತಿ : pdf link
10. ಶ್ರಮಶಕ್ತಿ ವಿಶೇಷ ಮಹಿಳಾ ಯೋಜನೆ [Karnataka Shramashakthi Special Women Scheme – Empowerment & Support]
ಕರ್ನಾಟಕ ಶ್ರಮಶಕ್ತಿ ವಿಶೇಷ ಮಹಿಳಾ ಯೋಜನೆ ಮಹಿಳಾ ಕಾರ್ಮಿಕರ ಬದುಕನ್ನು ಬಲಪಡಿಸುವ ಉದ್ದೇಶದಿಂದ ಸರ್ಕಾರ ಆರಂಭಿಸಿದ ಮಹತ್ವದ ಯೋಜನೆಯಾಗಿದೆ. ವಿಶೇಷವಾಗಿ ಅಸಂಘಟಿತ ಮತ್ತು ಅನೌಪಚಾರಿಕ ಕ್ಷೇತ್ರಗಳಲ್ಲಿ ದುಡಿಯುವ ಮಹಿಳೆಯರಿಗೆ ಈ ಯೋಜನೆಯಿಂದ ದೊಡ್ಡ ಸಹಾಯವಾಗುತ್ತದೆ.
ದಿನನಿತ್ಯದ ಜೀವನದಲ್ಲಿ ಎದುರಾಗುವ ಆರ್ಥಿಕ ತೊಂದರೆಗಳನ್ನು ಕಡಿಮೆ ಮಾಡಲು, ಮಹಿಳೆಯರಿಗೆ ಹಣಕಾಸು ನೆರವು, ಕೌಶಲ್ಯ ತರಬೇತಿ ಮತ್ತು ಸಾಮಾಜಿಕ ಭದ್ರತೆ ಒದಗಿಸಲಾಗುತ್ತದೆ. ಇದರಿಂದ ಅವರು ತಮ್ಮ ಜೀವನಮಟ್ಟವನ್ನು ಉತ್ತಮಪಡಿಸಿಕೊಳ್ಳಲು ಮತ್ತು ಸ್ವಾವಲಂಬಿಗಳಾಗಲು ಸಹಾಯವಾಗುತ್ತದೆ.
ಈ ಯೋಜನೆ ಹಣಕಾಸು ಸಹಾಯದ ಜೊತೆಗೆ ತರಬೇತಿ ಮತ್ತು ಕಲ್ಯಾಣ ಸೌಲಭ್ಯಗಳನ್ನು ಒಟ್ಟಾಗಿ ನೀಡುತ್ತದೆ. ಇದರಿಂದ ಮಹಿಳೆಯರು ಆತ್ಮವಿಶ್ವಾಸ ಪಡೆದು ತಮ್ಮ ಕಾಲಿನ ಮೇಲೆ ತಾವೇ ನಿಲ್ಲುವ ಶಕ್ತಿ ಪಡೆಯುತ್ತಾರೆ. ಮಹಿಳಾ ಕಾರ್ಮಿಕರು, ಸಣ್ಣ ಉದ್ಯಮ ನಡೆಸುವವರಿಗೆ ಈ ಯೋಜನೆ ಹೊಸ ಅವಕಾಶಗಳನ್ನು ನೀಡುತ್ತದೆ. ಜೊತೆಗೆ ರಾಜ್ಯದ ಆರ್ಥಿಕ ಮತ್ತು ಸಾಮಾಜಿಕ ಅಭಿವೃದ್ಧಿಯಲ್ಲಿ ಮಹಿಳೆಯರು ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ಪ್ರೇರೇಪಿಸುತ್ತದೆ.
11. ಮಹಿಳಾ ಉದ್ಯಮಿಗಳಿಗೆ ಬಡ್ಡಿ ಸಹಾಯ ಯೋಜನೆ (KSFC)
ಮಹಿಳಾ ಉದ್ಯಮಿಗಳಿಗೆ ಬಡ್ಡಿ ಸಹಾಯ ಯೋಜನೆ ಮಹಿಳೆಯರು ತಮ್ಮದೇ ಉದ್ಯಮವನ್ನು ಆರಂಭಿಸಲು ಅಥವಾ ಈಗಿರುವ ಉದ್ಯಮವನ್ನು ವಿಸ್ತರಿಸಲು ಸರ್ಕಾರದಿಂದ ನೀಡುವ ಮಹತ್ವದ ಬೆಂಬಲವಾಗಿದೆ. ಸಾಲ ತೆಗೆದುಕೊಳ್ಳುವಾಗ ಬರುವ ಹೆಚ್ಚಾದ ಬಡ್ಡಿ ಒತ್ತಡವನ್ನು ಕಡಿಮೆ ಮಾಡುವುದೇ ಈ ಯೋಜನೆಯ ಮುಖ್ಯ ಉದ್ದೇಶ.
ಈ ಯೋಜನೆಯ ಮೂಲಕ ಮಹಿಳಾ ಉದ್ಯಮಿಗಳಿಗೆ ಸಾಲದ ಮೇಲೆ ಬಡ್ಡಿ ಸಹಾಯ ನೀಡಲಾಗುತ್ತದೆ, ಇದರಿಂದ ಹಣಕಾಸು ಪಡೆಯುವುದು ಸುಲಭವಾಗುತ್ತದೆ. ಮಹಿಳೆಯರು ಸ್ವಾವಲಂಬಿಗಳಾಗಲು, ಉದ್ಯಮಶೀಲತೆಯನ್ನು ಉತ್ತೇಜಿಸಲು ಮತ್ತು ಆರ್ಥಿಕ ಚಟುವಟಿಕೆಯಲ್ಲಿ ಹೆಚ್ಚು ಪಾಲ್ಗೊಳ್ಳಲು ಈ ಯೋಜನೆ ಪ್ರೇರಣೆ ನೀಡುತ್ತದೆ.
ಸಾಲದ ವೆಚ್ಚ ಕಡಿಮೆಯಾಗುವುದರಿಂದ ಮಹಿಳೆಯರು ತಮ್ಮ ವ್ಯವಹಾರಕ್ಕೆ ಅಗತ್ಯವಾದ ಸಾಧನಗಳನ್ನು ಖರೀದಿಸಬಹುದು, ಮೂಲಸೌಕರ್ಯವನ್ನು ಅಭಿವೃದ್ಧಿಪಡಿಸಬಹುದು ಮತ್ತು ವ್ಯವಹಾರವನ್ನು ನಿಧಾನವಾಗಿ ವಿಸ್ತರಿಸಬಹುದು. ವಿಶೇಷವಾಗಿ ಆರ್ಥಿಕವಾಗಿ ದುರ್ಬಲ ವರ್ಗದ ಮಹಿಳೆಯರು ಮತ್ತು ಸಣ್ಣ ಅಥವಾ ಸೂಕ್ಷ್ಮ ಉದ್ಯಮ ಆರಂಭಿಸುವ ಮಹಿಳೆಯರಿಗೆ ಈ ಯೋಜನೆ ಬಹಳ ಉಪಯುಕ್ತವಾಗಿದೆ.
ಮಹಿಳಾ ಉದ್ಯಮಿಗಳಿಗೆ ಬಡ್ಡಿ ಸಹಾಯ ಯೋಜನೆಯ ಮುಖ್ಯಾಂಶಗಳು
- ಬಡ್ಡಿ ಹೊರೆ ಕಡಿಮೆ: ಬಡ್ಡಿ ಸಹಾಯದಿಂದ ಸಾಲದ ವೆಚ್ಚ ಬಹಳಷ್ಟು ಕಡಿಮೆಯಾಗುತ್ತದೆ (ಉದಾಹರಣೆಗೆ KSFC ಯೋಜನೆಯಲ್ಲಿ 10% ವರೆಗೆ ಬಡ್ಡಿ ಕಡಿತ).
- ವ್ಯಾಪಾರ ವಿಸ್ತರಣೆಗೆ ನೆರವು: ಸಣ್ಣ ಮತ್ತು ಮಧ್ಯಮ ಉದ್ಯಮಗಳನ್ನು ಆರಂಭಿಸಲು, ವಿಸ್ತರಿಸಲು ಅಥವಾ ನವೀಕರಿಸಲು ಮಹಿಳೆಯರಿಗೆ ಕಡಿಮೆ ವೆಚ್ಚದಲ್ಲಿ ಸಾಲ ಸಿಗುತ್ತದೆ.
- ಜಾಮೀನು ಇಲ್ಲದ ಸಾಲ: ಮುದ್ರಾ ಯೋಜನೆಯಂತಹ ಹಲವಾರು ಸಾಲಗಳಲ್ಲಿ ₹10 ಲಕ್ಷವರೆಗೆ ಜಾಮೀನು ಅಗತ್ಯವಿರುವುದಿಲ್ಲ.
- ದೀರ್ಘಕಾಲದ ಬೆಂಬಲ: ಸಾಲ ಬಿಡುಗಡೆ ದಿನಾಂಕದಿಂದ 5 ವರ್ಷಗಳವರೆಗೆ ಬಡ್ಡಿ ಸಹಾಯ ಸಿಗುವ ಅವಕಾಶ ಇರುತ್ತದೆ.
- ಸ್ವಾವಲಂಬನೆಗೆ ಪ್ರೋತ್ಸಾಹ: ಮಹಿಳೆಯರು ಸ್ವಂತ ವ್ಯವಹಾರ ನಡೆಸಿ ಆರ್ಥಿಕವಾಗಿ ಸ್ವತಂತ್ರರಾಗುವಂತೆ ಈ ಯೋಜನೆಗಳು ಉತ್ತೇಜನ ನೀಡುತ್ತವೆ.
ಹಿನ್ನುಡಿ
ಕರ್ನಾಟಕ ಸರ್ಕಾರ ಮಹಿಳೆಯರ ಸಬಲೀಕರಣ ಮತ್ತು ಸಮಗ್ರ ಅಭಿವೃದ್ಧಿಗೆ ಹಲವು ಪರಿಣಾಮಕಾರಿ ಯೋಜನೆಗಳನ್ನು ಜಾರಿಗೊಳಿಸಿದೆ. Top 10 Karnataka Government Schemes for Women ಯೋಜನೆಗಳು ಮಹಿಳೆಯರ ಶಿಕ್ಷಣ, ಉದ್ಯೋಗ, ಉದ್ಯಮಶೀಲತೆ, ಆರೋಗ್ಯ, ಭದ್ರತೆ ಮತ್ತು ಸಾಮಾಜಿಕ ಕಲ್ಯಾಣದಂತಹ ಪ್ರಮುಖ ಕ್ಷೇತ್ರಗಳನ್ನು ಒಳಗೊಂಡಿವೆ.
ಆರ್ಥಿಕವಾಗಿ ಹಿಂದುಳಿದ ಮಹಿಳೆಯರಿಂದ ಹಿಡಿದು ಉದ್ಯಮ ಆರಂಭಿಸಲು ಆಸಕ್ತಿಯಿರುವ ಯುವತಿಯರವರೆಗೆ ಎಲ್ಲ ವರ್ಗಗಳಿಗೂ ಈ ಯೋಜನೆಗಳು ಉಪಯುಕ್ತವಾಗಿವೆ. ಬಡ್ಡಿ ಸಹಾಯ, ಕೌಶಲ್ಯ ತರಬೇತಿ, ಸ್ವ ಉದ್ಯೋಗ ಅವಕಾಶಗಳು, ಆಶ್ರಯ ಮತ್ತು ಸಾಮಾಜಿಕ ರಕ್ಷಣೆಯಂತಹ ನೆರವುಗಳ ಮೂಲಕ ಮಹಿಳೆಯರು ಸ್ವಾವಲಂಬಿಗಳಾಗಲು ಈ ಯೋಜನೆಗಳು ಸಹಕಾರ ನೀಡುತ್ತವೆ. ಹೆಚ್ಚಿನ ಮಾಹಿತಿಗಾಗಿ ಅಧಿಕೃತ ಸರ್ಕಾರಿ ವೆಬ್ಸೈಟ್ ಗಳಲ್ಲಿ ಅರ್ಜಿ ಸಲ್ಲಿಸಲು ಮಾಹಿತಿ ದೊರೆಯುತ್ತದೆ.
